PROYECTU PILOTU

El proyectu executóse nun periodu de 5 meses (setiembre 2023 – xineru 2024), respetando dafechu les necesidaes de les persones con diversidá funcional y les de les escueles rurales participantes.

Como monitores participaron 4 persones con diversidá funcional qu’impartieron les sesiones emplegando un xuegu ellaboráu a costa fecha pa esti proyectu y consistente nel manexu de cartes con entrugues de dellos tipos (definiciones, verdaderu o falsu, reconocencia de la imaxe) alrodiu l’horru.

Participaron les escueles rurales que vienen darréu:

• CRA «La Marina»: aula de Castiellu (Villaviciosa)
• CRA «Castrillón-Illas»: aula de Naveces, aula de Piarnu y aula de La Caizuela. (Castrillón e Illas)
• Colegio Público Quimarán/Guimarán – El Valle (Carreño)
• CRA «Cabu Peñes»: aula de Santio d’ Ambiedes y aula d’ Eres (Gozón)
• Colexu Públicu de Llorgozana (Carreño).

En total participaron más de 190 escolinos d’ocho centros de cinco conceyos asturianos.

Los resultaos axuntaos a la memoria final, dexen claro que’l programa tien la potencialidá prevista nun principiu y que, colos axustes necesarios, pue ser desenvueltu na totalidá o en parte del territoriu asturianu, una vegada realizáu’l proyectu correspondiente.
La gamificación de los conteníos desenvolvióse de forma afayadiza pente medies d’un xuegu de cartes alrodiu l’horru ellaboráu pola empresa «Acuto Xuegos».

El diseñu gráficu realizóse pol ilustrador y diseñador gráficu Goyo Rodríguez.
Los medios audiovisuales tuvieron al cargu de l’axencia «Menganos Producciones».